Hazrat Huzaifa (Radiyallahu Ta'ala Anhu) se Riwayat hai ki Nabi Pak (S.A.W) ne irshad farmaya ki QAYAMAT (Doomsday / Judgement day) k Qareeb 72 Nishaniya pesh Aaegi. Woh 72 Nishanian niche pesh ki gayi hein.
1. Log NAMAZE Garat karne (chhodne) lagenge: Yani NAMAZO ka Ehtimam Rukhsat ho jaega.
2. Amanat Zae Karne lagenge: Yani jo Amanat un k Pas rakhi jaegi us me khayanat karne lagenge.
3. Sood (Wyaj, Intrest) khaya jaega.
4. Jhoot ko Halal samjne lagenge: Yani jhoot 1 hunar (fun) ban jaega. Ki kon kitni sifat se jhoot bol leta hai.
5. Mamuli mamuli batoo par khun rezi karne lgenge. Zara si bat pa dusre ki jaan le lenge.
6. Unchi-Unchi (Lambi/Tall) Imaratein (buildings) banaenge.
7. ILAM bech kar log Dunay jama karenge.
8. Qata Rahmee Yani Rishte daroo se bad-suluki hogi.
9. Insaf naayab ho jaega: Yani Insaaf mushkil se mil sakega.
10. Jhoot sach ban jaega.
11. Resham ka libas pehna jaega. (Yad rahe ki Resham ka libas pehanna Mard k liye JAIZ nahi hai.)
12. Zulam aam ho jaega.
13. Talaq ki kasrat hogi: Yani khub TALAQ di jaegi. (Yad rahe ki Talaq dena halal or Jaiz kamoo me sab se na pasandida kam hai).
14. Nagahani Maut aam ho jaegi: Yani aisi maut aam ho jaegi jis ka pehle se pata na hoga, balki achanak pata chalega ki falana abhi zinda theek thak tha or ab mar gaya.
15. KHAYANAT karne wale ko AMEEN (Amanat Dar) samja jaega: Yani jo Amanat me khayanat karta hoga, log usi par bharosa karne lagenge.
16. Amanat Dar ko khain (khayanat karne wala) samja jaega: Yani Amanatdar par Tohmat (Izam) lagai jaegi ki ye Amanat me khayanat karne wala hai.
17. Jhoote ko Sacha samja jaega.
18. Sache ko Jhoota samja jaega.
19. Tohmat-darazi (Ilzam lagana) aam ho jaegi: Yani log Ek-Dusre par Jhooti Tohmate lagaenge.
20. Barish k bawajud Garmi hogi.
21. Log Awlad ki khwahish karne k bajae Awlad se karahat karne lagenge. Aaj dekh le ki Khandani Mansuba Bandi (Family Planning / Birth Control) ho rahi hai, or ye nara lagaya jata he ki "Bache Do hi ache” (Hum Do Humare Do).
22. Kameeno ki Thath honge: Yani Kameene log bade Thath se aish we ishrat k sath zindagi guzarenge.
23. SHAREEFO ki Naak me Dam aa jaega: Yani Shareef log apni sharafat ko le kar bethenge to Dunya se kat jaege.
24. Ameer or Wazeer Jhoot k aadi banjaege: Yani sarbarahe hukumat (hukumat wale bat bat par jhoot bolenge.
25. Ameen khayanat karne lagenge: Yani jis k pas amanat rakhi jaegi who us amanat me khayanat karne lage ga.
26. Sardar Zulam pehsa honge: Yani qaum k sardar (Bade log) zulam karne wale honge.
27. Aalim or Qari badkar honge: Yani Aalim bhi he or Quran ki Tilawat bhi karte he Magar BADKAR he. (ALLAH KI PANAH)
28. Log janwaro ki khaloo (skin) ka libas (dress) pehanne lagenge.
29. Dil Murdar se zyada badbudar honge.
30. Dil Elwe se zyada kadwe honge.
31. Sona (GOLD) aam ho jaega. (Jaisa aaj kal hua hai).
32. Chandi ki mang hogi. (Jaisa aaj kal hui hai).
33. Gunah zyada honge: Yani log khub Gunahoo me mubtala honge.
34. Aman, Shanti, chain, Sukoon kam ho jaega.
35. Quran-e-Kareem k Nuskhoo ko Aarasta kiya jaega, or us par Naqsh o Nigar (Desigen) banaya jaega.
36. Masjidoo me Naqsh o Nigar kiya jaega. Yani khubsurat Desigens wali masjidein hongi.
37. Unche Unche Minar banege. (Jaisa aaj ham dekh rahe hein.)
38. lekin ( Masjido, Quran ko zinat wala banane k ba wajud) Dil wiran honge.
39. Sharab pee jaegi. Yani sharab aam ho jaegi.
40. Shariat ki Sazae (Islamic Law) jaise (Zina, Chori, Bohtan, Khun etc.) ko khatam kiya jaega.
41. Beti ma (Mother) par Hukumat karegi aur us k sath aisa suluk karegi jaise aaqa apni kaneez k sath suluk karta hai.
42. Gair muhazzab log badshah banege. Yani jo log nasab or Akhlaq k etibar se kameene or neeche darje k samje jate he wo hukumat karne lagenge.
43. Tijarat me Aurat Mard k sath shirkat karegi. jaise Aaj kal ho raha hai ki Auratein zindagi k har kam me mardo k shana ba shana chalne ki koshish kar rahi hein.
44. Mard Aurat ki naqal karenge.
45. Aurtein Mardo ki naqal karenge. Aaj dekh le fashion ne ye halat kar di he kidar se dekho to pata lagana mushkil hota hai k i mard hai ya Aurat?
46. Gairullah ki Qasme khai jaegi. Qasam sirf Allah ki ya us ki Sifat ki kha sakte he, magar log aur chizo ki qasam khaenge (tere sar ki, bap ki, Gause pak ki, Maula Ali ki).
47. Musalman bhi bagair kahe jhooti Gawahi dene ko Taiyar ho jaenge. (aur log to karte hi honge, magar Musalman bhi jhooti Gawahi dene ko Taiyar ho jaenge).
48. Sirf Jaan pehchan k logo ko salam kiya jaega. (Raste mein un logo se salam nahi kiya jaega jin se jan pehcan nahi hai, agar jan pehchan hai to salam kar lenge magr who bhi thek dhung se nahi).
49. Deen ka ILAM Dunya k liye padha jaega.
50. Aakhirat k naam se Dunya kamai jaegi.
51. Maal-e-Ganeemat ko Zaati maal samja jaega.
52. Amanat ko Loont ka maal samja jaega. Yaani agar kisi ne Amanat rakhwadi to samjenge ki ye Loot ka maal hasil ho gaya.
53. ZAKAT ko Jurmana (FINE / TAX) samja jaega.
54. Sab se Razeel (kameena) Aadmi Qaum ka leader or Qaid ban jaega. Yani jo shakhs sab se zyada bad khaslat hoga us ko Qaum k log apna qaid or Hero bana lenge.
55. Aulaad (Children) apne baap ki Na farmani karega.
56. Aulaad (Children) apni Maa se bad Suluki karega. (bure Akhlaq se pesh Aaega)
57. Dost Dost ko (Bila zizak) Nuqsan pahochaega.
58. Shohar (Husband) biwi (wife) ki itaat karega. (Biwi ki Baat man kar chalega)
59. Bad karoo ki Aawazein masjido me Buland hongi.
60. Gaane wali Auratoo ki Izzat ki jaegi. Yani jo gane-bajane ka kaam karne wali he un ko buland martaba diya jaega.
61. Gaane bajae aur mosiqi k Saman ko hifazat se Rakha jaega.
62. Aam Rasto par Sharab pee jaegi.
63. Zulam karne ko Fakhr samja jaega. (Achha kam samja jaega).
64. Insaf bikne lagega. Yaani Adalato (Courts) me insaf farokht hoga. log paise dekar us ko kharidenge.
65. Police walo ki kasrat hogi. (Police wale bahot zyada hogne, jaise k aaj kal hai).
66. Quran-e-Kareem ko Nagma (Gaane) ka zariya banaya jaega. (Quran ko Sawab hasil karne k liye nahi padha jaega).
67. Darindo {Beasts (Fadkhane wale janwar)} ki khal ka istiamal kiya jaega.
68. Ummat k Aakhri log apne se pehle logo par lantein karenge. Yani un par Tanqeed karenge or un par atemad nahi karenge.
69. Ya to tum par surkh Aandhiya Aaegi.
70. Ya zalzale (Earthquakes) Aaenge.
71. Ya logo ki Surate badal jaegi. (Hadees Pak ka mafhum hai ki Raat ko log Gaane Baaje me lagenge or Subah un ki surate bandar or Suwwar jaisi ho jaegi.
72. Ya Aasman se Patthar barse ya Allah ki taraf se koi or Azab aajae.
(Allah ki Panah) –Durre-Mansur-6:52